Bu ilin III rübündə Gürcüstanın dəmir yolu nəqliyyatı vasitəsilə daşınan yüklərin həcmi illik müqayisədə 1,4% azalaraq 3,5 milyon ton təşkil edib.
APA-nın yerli bürosu xəbər verir ki, bu barədə Gürcüstanın Milli Statistika İdarəsinin hesabatında bildirilib.
Məlumata görə, yüklərin 9,5%-i ölkədaxili, 32,4%-i beynəlxalq, 58,1%-i isə tranzit daşımaları olub.
Hesabat dövründə Gürcüstan ərazisinə daxil olan dəmir yolu yüklərinin 32%-i Azərbaycandan, 29,1%-i isə Rusiyadan göndərilib. Rüblük müqayisədə Azərbaycanın payı 1,7% artıb.
İyul-sentyabr aylarında ümumi yükdaşımaların 37,7%-ni koks və emal olunmuş neft məhsulları, 20,6%-ni kimya, kimya məhsulları və süni liflər, rezin və plastik məmulatlar, 12,6%-ni isə metal filizləri və digər mədən və karxana məhsulları təşkil edib.
