Bakı. Trend:
Almaniya Silahlı Qüvvələrinə bundan sonra şübhəli pilotsuz uçuş
aparatlarına (PUA) qarşı mübarizədə polisə kömək etmək imkanı
veriləcək. Orduya PUA-ları vurmaq icazəsi yalnız casusluq,
diversiya və ya insanların həyatına təhlükə yarandıqda verilir.
Trend xəbər verir
ki, bu barədə hökumət iclasında müzakirə olunan qanun layihəsində
məlumat verilib.
Qanun layihəsində qeyd olunur ki, hərbçilər yalnız dronlar
insanların həyatına və ya kritik infrastruktura təhlükə yaratdıqda
silahdan istifadə edə biləcəklər.
Bundan əlavə, Daxili İşlər Nazirliyi aeroport ərazilərində hava
nəqliyyatının fəaliyyətinə mane olan aksiyalara görə cəzaların
sərtləşdirilməsini təklif edib.
