ABŞ Prezidentinin Ukrayna üzrə xüsusi nümayəndəsi Kit Kelloqa görə, Volodimir Zelenski Vaşinqtonun Ukraynadakı münaqişənin həlli planını müzakirə etmək üçün ABŞ-a səfər edə bilər.
APA xəbər verir ki, bu barədə Kelloq “Fox News”a müsahibəsi zamanı danışıb.
“Bu, yaxşı bir plandır. Orada bir az daha yaxşı şəkildə təkmilləşdirilməli və aydınlaşdırılmalı olan şeylər var. Amma biz demək olar ki, buna nail olmuşuq. Düşünürəm ki, Zelenski ABŞ-a gələndə – yəqin ki, gələcək – baxmayaraq ki, heç bir zəmanət yoxdur, bu planın yaxşı bir plan hesab edilməsi ehtimalı var”, – Kelloq bildirib.
