Ukraynanın xarici işlər naziri Andrey Sibiqa və NATO-nun Baş katibi Mark Rutte ilə Brüsseldə görüşüb.
APA xəbər verir ki, bu barədə Andrey Sibiqa özünün “X” hesabında məlumat verib.
“Mən NATO Baş katibi ilə müharibəyə son qoymaq üçün növbəti addımlarımız barəsində və sülh səylərimizdə son yeniliklərlə bağlı məlumatları bölüşdüm. Biz Ukraynanın müdafiəsinin gücləndirilməsi yollarını və Rusiyaya təzyiqin artırılmasını müzakirə etdik. NATO-ya və üzv ölkələrə göstərdikləri dəstəyə görə minnətdaram”, – Sibiqa bildirib.
