Bakı. Trend:
Yaponiya Silahlı Qüvvələrinin vaxtaşırı Çinin təhlükəsizliyinə
təhdid yaradan hərəkətlər həyata keçirir.
Trend-in
məlumatına görə, bu barədə Çin Xarici İşlər Nazirliyi bəyanat
yayıb.
Tokio Pekinə qarşı məsuliyyətsiz ittihamlar irəli sürərək
faktları təhrif etməyə çalışır.
Xüsusilə, tez-tez kəşfiyyat uçuşları və Çinin müntəzəm hərbi
əməliyyat apardığı ərazilərə yaxınlaşan Yaponiya qırıcılarının
müdaxiləsi dəniz və hava təhlükəsizliyinə ciddi təhlükə
yaradır.
Bəyanatda vurğulanıb: “Yaponiya, beynəlxalq ictimaiyyəti
çaşdıran və gərginliyi artıran, yapon qırıcılarının iştirakı ilə
baş vermiş son radar hadisəsinə görə məsuliyyəti qəsdən Pekinin
üzərinə atır. Bütün bunlar gizli niyyətlərdən qaynaqlanır. Çin öz
kəskin etirazını bildirir. Biz Yaponiyadan planlaşdırılmış
təlimlərə mane olan təhlükəli hərəkətləri dərhal dayandırmağı və
yalan təbliğat və siyasi manipulyasiyadan əl çəkməyi tələb
edirik.”
Çin Xarici İşlər Nazirliyi əlavə edib ki, Pekin Tokionun
etirazlarını qəbul etmir və Yaponiya tərəfinə əks arqumentlər
göndərib.
