Bakı. Trend:
Səhiyyə Nazirliyinin Analitik Ekspertiza Mərkəzi 2025-ci ilin
noyabr ayında 28 aptekdə yoxlama aparıb.
Trend xəbər
verir ki, bu barədə AEM məlumat yayıb.
Bildirilib ki, bunlardan 24-ü Bakıda, qalan dördü isə ölkənin
digər şəhər və rayonlarında olub:
“Mərkəz tərəfindən 22 aptekdə – planlı, 6 aptekdə isə
plandankənar yoxlamalar aparılıb. Monitorinq zamanı beş aptekdə
çatışmazlıqlar aşkar edilib. Azərbaycan Respublikası İnzibati
Xətalar Məcəlləsinin 452.1 və 452.3-cü maddələri ilə protokollar
tərtib edilib”, məlumatda qeyd olunub.
