Beynəlxalq Enerji Agentliyi (IEA) bu il üçün ortalama gündəlik qlobal neft təklifinin artım tempi üzrə proqnozunu azaldıb.
Bu barədə “APA-Economics” Beynəlxalq Enerji Agentliyinin aylıq hesabatına istinadən xəbər verir.
Proqnoza əsasən, bu il ortalama gündəlik qlobal neft tədarükü 3 mln. barel artıb ki, bu da öncəki proqnoz göstəricisindən 100 min barel azdır.
Hesabatda qeyd olunur ki, 2026-cı ildə gündəlik qlobal neft təklifinin artım tempinin 2,4 mln. barel olacağı ehtimal olunur (öncəki proqnoz göstəricisi – 2,5 mln. barel).
Belə ki, Agentliyin məlumatına əsasən, 2025-ci ildə ortalama gündəlik qlobal neft təklifi 106,2 mln. barel, 2026-cı ildə isə 108,6 mln. barel təşkil edəcək.
