Bakının Nizami rayonunda ağır yol-nəqliyyat hadisəsi qeydə alınıb.
APA-nın məlumatına görə, qəza Çoban Bəkirzadə küçəsində baş verib.
“Volkswagen” və “Porsche” markalı avtomobillər toqquşub, nəticədə nəqliyyat vasitələrindən biri qaz borusuna çırpılaraq aşıb. Hər iki avtomobilin yanması müşahidə olunub.
“Porsche”nin ayıq sürücü tərəfindən idarə edildiyi bildirilir.
Hadisə zamanı həmin avtomobilin sürücüsü və sərnişini xəsarət alıb.
