Bakı. Trend:
20 yaşınadək kişilər arasında futbol üzrə dünya çempionatının
2027-ci ildə Azərbaycanda keçirilməsi ilə əlaqədar Təşkilat
Komitəsi yaradılıb.
Trend xəbər verir ki, Prezident İlham Əliyev bununla bağlı
Sərəncam imzalayıb.
Sərəncamda qeyd olunub ki, Azərbaycanın 20 yaşınadək kişilər
arasında futbol üzrə dünya çempionatı kimi mötəbər bir idman
tədbirinə ev sahibliyi etməsi onun idman ölkəsi kimi artan
nüfuzunun daha da möhkəmlənməsinə, gələcəkdə belə mühüm layihələrin
respublikamızda yüksək səviyyədə təşkilinə müsbət təsir
göstərəcəkdir.
20 yaşınadək kişilər arasında futbol üzrə dünya çempionatının
2027-ci ildə Azərbaycanda keçirilməsi ilə əlaqədar aşağıdakı
tərkibdə Təşkilat Komitəsi yaradılıb:
Təşkilat Komitəsinin sədri
Samir Şərifov – Azərbaycan Respublikası Baş nazirinin
müavini
Təşkilat Komitəsi sədrinin müavini
Azərbaycan Respublikasının gənclər və idman naziri
Təşkilat Komitəsinin üzvləri:
Azərbaycan Respublikası fövqəladə hallar nazirinin müavini
Azərbaycan Respublikası maliyyə nazirinin müavini
Azərbaycan Respublikası mədəniyyət nazirinin müavini
Azərbaycan Respublikası iqtisadiyyat nazirinin müavini
Azərbaycan Respublikası daxili işlər nazirinin müavini
Azərbaycan Respublikası rəqəmsal inkişaf və nəqliyyat nazirinin
müavini
Azərbaycan Respublikası elm və təhsil nazirinin müavini
Azərbaycan Respublikası xarici işlər nazirinin müavini
Azərbaycan Respublikası səhiyyə nazirinin müavini
Xankəndi şəhərində, Ağdərə və Xocalı rayonlarında Azərbaycan
Respublikası Prezidentinin xüsusi nümayəndəsi
Bakı Şəhər İcra Hakimiyyətinin başçısı
Azərbaycan Respublikası Dövlət Turizm Agentliyinin sədri
Azərbaycan Respublikası Qida Təhlükəsizliyi Agentliyinin
sədri
Azərbaycan Respublikasının Prezidenti yanında Vətəndaşlara
Xidmət və Sosial İnnovasiyalar üzrə Dövlət Agentliyinin sədri
Azərbaycan Respublikası Dövlət Gömrük Komitəsi sədrinin
müavini
Azərbaycan Respublikası Dövlət Təhlükəsizliyi Xidməti rəisinin
müavini
Azərbaycan Respublikası Dövlət Miqrasiya Xidməti rəisinin
müavini
Azərbaycan Respublikası Dövlət Sərhəd Xidməti rəisinin
müavini
Azərbaycan Avtomobil Yolları Dövlət Agentliyi İdarə Heyətinin
sədri
“Azərbaycan Hava Yolları” Qapalı Səhmdar Cəmiyyətinin
prezidenti
“Azərişıq” Açıq Səhmdar Cəmiyyətinin sədri
“Azərenerji” Açıq Səhmdar Cəmiyyətinin prezidenti
Tibbi Ərazi Bölmələrini İdarəetmə Birliyinin icraçı
direktoru
Azərbaycan Respublikası Milli Olimpiya Komitəsinin
vitse-prezidenti
Azərbaycan Futbol Federasiyaları Assosiasiyasının prezidenti
Gəncə Şəhər İcra Hakimiyyətinin başçısı
Qəbələ Rayon İcra Hakimiyyətinin başçısı
Sumqayıt Şəhər İcra Hakimiyyətinin başçısı.
20 yaşınadək kişilər arasında futbol üzrə dünya çempionatının
2027-ci ildə Azərbaycanda keçirilməsi ilə bağlı Beynəlxalq Futbol
Federasiyaları Assosiasiyası (FIFA) ilə əlaqələndirmə işlərinin
aparılması Azərbaycan Futbol Federasiyaları Assosiasiyasına həvalə
edilib.
Təşkilat Komitəsi 20 yaşınadək kişilər arasında futbol üzrə
dünya çempionatının 2027-ci ildə Azərbaycanda keçirilməsi ilə bağlı
zəruri məsələləri həll edəcək.
