Bakı. Trend:
“Fitch Ratings” beynəlxalq reytinq agentliyi 2025-ci ildə
Azərbaycanda istehlak inflyasiyasının səviyyəsinin 5,7% təşkil
edəcəyini proqnozlaşdırır .
Trend bu barədə
“Fitch”ə istinadən məlumat verir.
Agentliyin analitiklərinin qiymətləndirməsinə görə, 2026-cı ildə
inflyasiya 4,6%-ə, 2027-ci ildə isə 4%-ə enəcək.
“Fitch”in hesabatında qeyd olunur ki, 2025-ci ilin yanvar–noyabr
ayları üzrə orta inflyasiya səviyyəsi 5,7% olub və aprel–may
aylarında 6,4% pik həddinə çatıb ki, bu da rəsmi hədəf diapazonu
daxilindədir. Dekabr ayında Azərbaycan Mərkəzi Bankı inflyasiya
üzrə yuxarı risklərin azalmasına əsaslanaraq, əsas uçot dərəcəsini
25 baza bəndi azaldaraq 6,75%-ə endirib.
Qeyd edək ki, bundan əvvəl Azərbaycan Mərkəzi Bankı cari illik
inflyasiyanın gözlənilən trayektoriyaya uyğun gəldiyini və müəyyən
edilmiş hədəf diapazonu daxilində qaldığını bəyan edib.
2025-ci ilin oktyabr ayında 12 aylıq inflyasiya 5,9% təşkil
edib. Ərzaq məhsulları, alkoqollu içkilər və tütün məmulatları üzrə
illik qiymət artımı 8,2%, ödənişli xidmətlər üzrə 5,6%, qeyri-ərzaq
məhsulları üzrə isə 2,5% olub. İllik baza inflyasiyası 5% təşkil
edib.
