Habertürk televiziyasının baş redaktoru Mehmet Akif Ersoyun narkotik ittihamı ilə saxlanılması Türkiyədə bir nömrəli müzakirə mövzusuna çevrilib. Ölkənin tanınmış simalarının istintaqa cəlb olunması müzakirələri daha da qızışdırıb.
Metbuat.az xəbər verir ki, hazırda həbsdə olan Mehmet Akif Ersoyun keçmiş xanımı Pınar Erbaşla bağlı da xoşagəlməz iddialar ortaya atılıb. Show TV-nin vazkeçilməz aparıcılarından olan Erbaşın da şübhəli şəxs qismində istintaqa cəlb olunduğu bildirilib. Buna səbəb kimi onun ötən gün xəbərlər proqramında efirə çıxmaması göstərilir. Show TV rəhbərliyinin məsələdən xəbərdar olduğu üçün Pınar Erbaşı işdən çıxardığı iddia edilir.
Qeyd edək ki, Pınar Erbaşı efirdə ötən gün həmkarı Hande Bayraktar əvəzləyib.
Show TV rəhbərliyi iddialara münasibət bildirməkdən imtina edib.
