Türk Hava Yolları Şirkəti gələn ilin 11 martından etibarən həftədə 7 dəfə İrəvana birbaşa uçuşlara başlayacaq.
Modern.az Türkiyə mediasına istinadən xəbər verir ki, uçuşların tezliyi 14 maydan etibarən həftədə 10 dəfəyə, 15 iyundan etibarən isə həftədə 14 dəfəyə qədər artırılacaq.
“Daha bir irəli addım: Türk Hava Yolları 11 mart 2026-cı il tarixindən etibarən İstanbul-İrəvan-İstanbul marşrutu üzrə uçuşlar həyata keçirəcək”, – deyə Türkiyənin Ermənistanla normallaşdırma üzrə xüsusi nümayəndəsi Serdar Kılıç bildirib.
