Bakı. Trend:
Moskvanın Vnukovo və Domodedovo aeroportlarında hava gəmilərinin
uçuşu ilə bağlı tətbiq olunan müvəqqəti məhdudiyyətlər aradan
qaldırılıb.
Trend xarici KİV-ə
istinadən xəbər verir ki, bu barədə Rusiyanın Federal Hava
Nəqliyyatı Agentliyinin (Rosaviasiya) nümayəndəsi Artyom Korenyako
öz “Telegram” kanalında bildirib.
Onun sözlərinə görə, bu ölçü təyyarələrin uçuş təhlükəsizliyinin
təmin olunması baxımından zəruri idi.
Bu gün səhər saatlarında Moskvanın meri Sergey Sobyanin şəhərin
Hava Hücumlarından Müdafiə qüvvələrinin paytaxt istiqamətində uçan
3 pilotsuz uçuş aparatını vurduğunu bildirmişdi.
