Bakı. Trend:
FIFA Dubay İdman Şurası ilə birlikdə ilin ən yaxşı futbolçuları
üçün yeni mükafat təsis edib.
Trend-in
məlumatına görə, ilk mükafatlandırma mərasimi 2026-cı ildə
keçiriləcək.
Qeyd olunur ki, FIFA 1991-ci ildən bəri ən yaxşı futbolçunu
mükafatlandırır. 2009-cu ilə qədər qalib müstəqil seçilib,
2010–2015-ci illərdə isə mükafat “France Football” jurnalı ilə
birgə təqdim olunub və “FIFA Qızıl Top” kimi tanınıb. 2016-cı ildən
bəri iki mükafat təqdim edilir – biri jurnal, digəri isə FIFA
tərəfindən.
Son olaraq ilin ən yaxşı futbolçusu Fransanın PSJ klubunun üzvü
Usman Dembele seçilib.
