Bakı. Trend:
Muzdlu işə aid olmayan fəaliyyətdən gəlir əldə edən
sığortaolunanlar üzrə məcburi dövlət sosial sığorta haqqının
tutulma qaydası dəyişdirilib.
Trend-in
məlumatına görə, bu məsələ Prezident İlham Əliyevin təsdiqlədiyi
“Sosial sığorta haqqında” Qanunda dəyişiklik edilməsi barədə
Qanunda öz əksini tapıb.
Daha əvvəl muzdlu işə aid olmayan fəaliyyətdən gəlir əldə edən
sığortaolunanlar üzrə məcburi dövlət sosial sığorta haqqı aşağıdakı
dərəcələrlə ödənilirdi:
- sahibkarlıq fəaliyyəti üzrə 2026-cı il yanvarın 1-dək
minimum aylıq əməkhaqqının tikinti sahəsində 50 faizi, digər
sahələrdə 25 faizi miqdarının Bakı şəhərində 100 faizi, Sumqayıt və
Gəncə şəhərlərində 90 faizi, digər şəhərlərdə 80 faizi, rayon
inzibati ərazi vahidlərinin inzibati mərkəzi olan inzibati ərazi
vahidlərində və qəsəbələrdə 60 faizi, kənd yerlərində 50 faizi
miqdarında.
Qanuna əsasən, muzdlu işə aid olmayan fəaliyyətdən gəlir əldə
edən sığortaolunanlar üzrə məcburi dövlət sosial sığorta haqqı
aşağıdakı dərəcələrlə ödəniləcək:
- sahibkarlıq fəaliyyəti üzrə minimum aylıq
əməkhaqqının 15 faizindən az 100 faizindən çox olmamaq şərtilə
gəlirlərinin (xərclər çıxılmadan) 2 faizi
miqdarında.
Qeyd edək ki, dəyişikliklər 2026-cı il 1 yanvar
tarixindən qüvvəyə minib.
