Bakı. Trend:
Meksika beynəlxalq problemlərin həllində heç vaxt zorakılığa əl
atmayacaq.
Trend xəbər verir
ki, bunu Meksika Prezidenti Klaudiya Şeynbaum Venesueladakı son
hadisələri şərh edərkən bildirib.
Şeynbaum vurğulayıb: “Maduro rejimi və ya Venesueladakı Çavizm
ilə razılaşmayan biri başqa məsələdir. Lakin prezidenti devirmək
üçün güc tətbiq edən ölkə tamamilə başqa şeydir və biz buna heç
vaxt razı olmayacağıq”.
O əlavə edib ki, bu yanaşma yalnız Meksikaya deyil, bütün
dünyaya aiddir və Venesuela xalqının suverenliyinə hörmət
edilməlidir. Şeynbaum qeyd edib ki, Meksikanın xarici siyasəti
həmişə xalqların suverenliyinin və öz müqəddəratını təyinetməsinin
qorunmasına əsaslanıb.
Prezident bildirib: “Biz heç vaxt bir ölkənin BMT Nizamnaməsi
çərçivəsindən kənarda digərinə hücum etməsinə razı olmayacağıq,
hətta hakimiyyətə qarşı ciddi ittihamlar irəli sürülsə belə. Əgər
kimsə nədəsə günahkardırsa, bu, sübut olunmalıdır, məsələn, Maduro
nümunəsində olduğu kimi”.
