Kreml Ukrayna sülh müqaviləsinə Rusiya tərəfini deyil, Volodimir Zelenskini maneə adlandıran Donald Trampla razıdır.
APA-nın Moskva bürosu xəbər verir ki, bunu Rusiya prezidentinin mətbuat katibi Dmitri Peskov bildirib.
“Burada (Trampın dedikləri ilə-red) razılaşmaq olar. Bu, həqiqətən də belədir. Prezident Putin və Rusiya tərəfi açıqlığını qoruyur”, – deyə Kremlin sözçüsü vurğulayıb.
Peskov qeyd edib ki, Kiyev üçün vəziyyət gündən-günə pisləşir və “qərar qəbuletmə dəhlizi daralır”.
“Biz keçən il prezidentin məsuliyyəti öz üzərinə götürməsinin və müvafiq qərar verməsinin vaxtı olduğunu demişdik. İndiyə qədər Kiyev bunu etməyib”, – deyə o əlavə edib.
