Ukraynanın Azərbaycandakı səfiri Yuri Husyev Şəhidlər Xiyabanını ziyarət edib.
APA xəbər verir ki, bu barədə diplomat sosial media hesabında paylaşım edib.
Paylaşımda bildirilib ki, Ukrayna səfirliyinin əməkdaşları Azərbaycanda akkreditə olunmuş diplomatik nümayəndəliklərlə birlikdə 20 Yanvar 1990-cı il faciəsinin qurbanlarını yad ediblər.
“Şəhidlər Xiyabanında Azərbaycanın qəhrəmanlarının xatirəsini ehtiramla andıq, həmçinin əfsanəvi ukraynalı pilot, Azərbaycan Qəhrəmanı Viktor Seryohinin xatirəsini yad etdik”, – səfir qeyd edib.
