Bakı. Trend:
ABŞ Prezidenti Donald Tramp İrandan onun həyatına hər hansı qəsd
ediləcəyi təqdirdə bunun ağır fəsadlarının olacağından danışıb.
Trend bu barədə
xarici KİV-ə istinadən xəbər verir.
“Mən dəqiq göstərişlər vermişəm. Nə isə baş versə, onları yer
üzündən siləcəklər”, – deyə Tramp “ News Nation” telekanalına
verdiyi müsahibədə deyib.
Xatırladaq ki, müsahibədən bir müddət əvvəl iranlı general
Abülfəzl Şekarçi Vaşinqtonun Ayətullah Əli Xameneyiyə hücum edəcəyi
təqdirdə ABŞ-yə cavab zərbəsi ilə hədələmişdi.
