Bakı. Trend:
Tehranın nüvə silahı əldə etməyə cəhd göstərə biləcəyi ehtimal
edilsə də, Vaşinqton buna qəti şəkildə mane olacaq.
Trend xəbər verir ki, bu
barədə ABŞ-nin Milli Müdafiə Strategiyasının yenilənmiş
versiyasında qeyd olunub.
Sənəddə bildirilir ki, ABŞ Prezidenti Donald Tramp dəfələrlə
İranın nüvə silahı əldə etməsinə imkan verilməyəcəyini açıq şəkildə
bəyan edib. Eyni zamanda vurğulanır ki, İran rəhbərliyi gələcəkdə
yenidən nüvə silahına sahib olmağa cəhd göstərə biləcəyini istisna
etmir.
Pentaqon, həmçinin, Tehranın konstruktiv danışıqlardan
yayınmaqda davam etdiyini iddia edib.
