Bakı. Trend:
“Comex” birjasında (Nyu-York Ticarət Birjasının bölməsi) fevral
ayı üzrə qızıl fyuçerslərinin bir troya unsiyası üzrə qiyməti 5 350
dollar həddini aşaraq yeni tarixi rekord müəyyən edib.
Trend xəbər verir ki, bu
göstəricilər ticarət meydançasının məlumatlarında əks olunub.
Yanvarın 29-da Bakı vaxtı ilə saat 00:28-də qızılın bir troya
unsiyasının qiyməti 5 353,08 dollar səviyyəsində olub ki, bu da
2,22 faiz artım deməkdir.
Bakı vaxtı ilə saat 01:00-a olan məlumata əsasən isə qiymətli
metalın dəyəri 5 382,52 dollara yüksələrək 2,69 faiz artım
göstərib.
