Bakı. Trend:
Son bir neçə gün ərzində ABŞ prezidenti Donald Tramp İran
hakimiyyəti ilə danışıqlar aparıb.
Trend xarici KİV-ə
istinadən xəbər verir ki, bu barədə Ağ Evin rəhbəri C-Span
telekanalına açıqlamasında bildirib.
ABŞ prezidentinə İran hakimiyyətinə hansı mesajı ötürdüyü ilə
bağlı sual verildikdə, iki şərt irəli sürdüyünü deyib: nüvə
silahının olmaması və etirazçıların qətlə yetirilməməsi.
Bundan əvvəl ABŞ prezidenti böyük Amerika qüvvələrinin İran
istiqamətində hərəkət etdiyini bəyan etmişdi.
Xatırladaq ki, 2025-ci ilin iyununda ABŞ İranın üç nüvə
obyektinə zərbələr endirib. ABŞ-ın müdafiə naziri Pit Heqset
bildirib ki, ölkə 75 yüksək dəqiqlikli sursatdan istifadə etməklə
İranın nüvə proqramını tamamilə məhv edib. İran hakimiyyəti isə
nüvə obyektlərinin məhv edildiyini təkzib edir.
