Bakı. Trend:
Azərbaycan Mərkəzi Bankı (AMB) “Lombardlar haqqında” qanunun
yeni layihəsini hazırlayıb və AMB bu sahədə daha çox
istehlakçıların hüquqlarının müdafiəsinə fokuslanacaq.
Trend xəbər
verir ki, bunu Azərbaycan Mərkəzi Bankının (AMB) sədri Taleh
Kazımov bu gün faiz dəhlizinin parametrlərinə dair keçirilən
mətbuat konfransında bildirib.
T.Kazımov lizinq haqqında yeni qanunun qəbul olunacağını
vurğulayıb. Onun sözlərinə görə, həmin qanunun layihəsi də
hazırdır.
“Müvafiq dövlət qurumlarının rəyi alınır, düşünürəm ki, sənəd bu
il qəbul olunacaq”, – o əlavə edib.
