Astroloji proqnozlara əsasən, 2026-cı il romantik münasibətlərdə ciddiləşmə və evlilik qərarları baxımından əlverişli il hesab olunur. Bəzi bürclər üçün bu il ailə qurmaq, münasibətləri rəsmi mərhələyə keçirmək baxımından daha uğurlu ola bilər.
Metbuat.az-ın məlumatına görə, 2026-cı il münasibətlərin ciddiləşdiyi, uzunmüddətli planların ön plana çıxdığı bir dövr olacaq. Xüsusilə Qoç, Xərçəng, Tərəzi, Buğa, Qız, Balıq və Oğlaq bürcləri üçün evlilik ehtimalı daha yüksək qiymətləndirilir.
Qoç:
Astroloqlara görə, 2026-cı il Qoçlar üçün münasibətlərin daha ciddi mərhələyə keçdiyi dövr olacaq. Uzunmüddətli əlaqəsi olan Qoçlar nikah qərarı verə, subaylar isə sürətli və ciddi münasibətlərə başlaya bilərlər.
Xərçəng:
Bu il Xərçəng bürcü üçün emosional bağlılıq və ailə dəyərləri ön plana çıxır. Cari münasibətləri rəsmiləşdirmək və evlilik qərarı vermək üçün münasib zaman hesab olunur.
Tərəzi:
Tərəzilərin harmoniyaya və sabitliyə ehtiyacı 2026-cı ildə daha da güclənir. Astroloqlar bu bürcün ciddi münasibətlərə və evliliyə daha meyilli olacağını bildirirlər.
Buğa:
2026-cı il Buğalar üçün sabitlik və real qərarlar ili kimi qiymətləndirilir. Uzunmüddətli münasibətdə olan Buğalar ailə qurmaqla bağlı addımlar ata bilərlər.
Qız:
Astroloji proqnozlara görə, Qız bürcü üçün keçmişdə maneə yaradan məsələlər aradan qalxa bilər. Sevgi münasibətlərində daha aydın və stabil dövr başlayır ki, bu da evlilik ehtimalını artırır.
Balıq:
Balıqlar üçün 2026-cı ildə emosional uyğunluq və “ruh əlaqəsi” mövzuları ön planda olacaq. Mövcud münasibətlərin evliliklə nəticələnmə ehtimalı yüksək qiymətləndirilir.
Oğlaq:
Oğlaqlar bu il həyatlarını daha planlı şəkildə qurmağa meylli olacaqlar. Nikah, nişan və ailə ilə bağlı qərarlar əvvəlki illərlə müqayisədə daha aktual olacaq.
Sevinc İbrahimzadə / Metbuat.az
