Bakı. Trend:
İsrailin baş naziri Binyamin Netanyahu Misirin hərbi gücünün
artmasının onu narahat etdiyini bildirib.
Trend xəbər verir ki,
Netanyahu bu fikirləri İsrail parlamentinin Xarici Əlaqələr və
Müdafiə Komitəsinin qapalı iclası zamanı səsləndirib.
Onun sözlərinə görə, İsrail ilə Misir arasında diplomatik
əlaqələr və ümumi maraqlar mövcuddur, lakin hazırda Misir ordusu
sürətlə gücləndirilir. Baş nazir qeyd edib ki, qonşu ölkənin hərbi
potensialının həddindən artıq artmasının qarşısını almaq üçün
proseslərin diqqətlə izlənməsi olduqca vacibdir.
