Bakı. Trend:
Azərbaycan Dövlət Neft Şirkəti (SOCAR) və “ExxonMobil”
arasındakı əməkdaşlığın prioritetləri və Azərbaycanda qeyri-ənənəvi
neft ehtiyatlarının potensialı müzakirə olunub.
Trend xəbər verir
ki, bu barədə Azərbaycanın iqtisadiyyat naziri Mikayıl Cabbarov öz
rəsmi “X” hesabında məlumat paylaşıb.
“ABŞ-nin “ExxonMobil” korporasiyasının qlobal qeyri-ənənəvi
kəşfiyyat üzrə meneceri Kit Simpson ilə SOCAR-la əməkdaşlığın
prioritetlərini və Azərbaycanda potensial qeyri-ənənəvi neft
ehtiyatlarının qiymətləndirilməsi üzrə görülmüş işləri müzakirə
etdik. Aşağı emissiyalı biznes imkanlarının artırılması və səmərəli
texnologiyaların tətbiqinin genişləndirilməsi barədə fikirlərimizi
bölüşdük”,- deyə məlumatda qeyd olunub.
Xatırladaq ki, 2025-ci ilin iyun ayında SOCAR və “ExxonMobil
Corporation” arasında Anlaşma Memorandumu imzalanıb. Sənəd
Azərbaycanın neft-qaz sektorunda əməkdaşlığı nəzərdə tutur.
