Bakı. Trend:
Avropa İttifaqı Aİ haqqında Müqavilənin qarşılıqlı müdafiə
haqqında 42.7-ci maddəsini işlək vəziyyətə gətirməlidir, bu maddə
birlik ölkələrini (xarici) təcavüz hallarında bir-birini müdafiə
etmək öhdəliyini nəzərdə tutur.
Trend xəbər verir
ki, bu barədə Avropa Komissiyasının sədri Ursula fon der Lyayen
fevralın 14-də Münxen Təhlükəsizlik Konfransındakı çıxışında
bildirib.
“Qarşılıqlı müdafiə Avropa İttifaqı üçün könüllü bir vəzifə
deyil. Bu, öz müqaviləmiz çərçivəsində təcavüz hallarında
bir-birimizi dəstəkləmək barədə kollektiv öhdəlikdir. Sadə dillə
desək, biri hamı üçün, hamı biri üçün. Avropanın mahiyyəti budur”,
– deyə fon der Lyayen qeyd edib.
Bundan əvvəl yanvar ayında Avropa Parlamentinin deputatı Teys
Roytend oxşar bəyanatla çıxış edərək, Aİ haqda müqavilənin 42.7
maddəsinin həqiqi işlək vəziyyətə gətirilməsinin vacibliyini
vurğulamışdı.
