Münxen. Trend:
Avropa transatlantik əməkdaşlığını qoruyub saxlayaraq öz
təhlükəsizlik imkanlarını gücləndirməyə davam etməlidir.
Trend xəbər verir
ki, bu barədə Münxen Təhlükəsizlik Konfransı çərçivəsində
jurnalistlərə Niderlandın xarici işlər naziri David van Veel
bildirib.
Van Veel iqlim siyasəti, miqrasiya və beynəlxalq qurumların rolu
ilə bağlı davam edən müzakirələri etiraf etdi, lakin Avropanın öz
məsuliyyətinə diqqəti yönəltməli olduğunu vurğuladı.
“Amerikanın təhlükəsizliyimizi necə təmin etməyimizlə bağlı öz
fikri var, çünki təhlükəsizliyimizi təmin edən Amerika Birləşmiş
Ştatları olub. Və biz buna görə məsuliyyət daşıyırıq. Buna görə də
ehtiyac duyduğumuz şeylərə investisiya qoymağa davam etməliyik”, –
deyə o bildirib.
ABŞ və Avropa arasında daxili siyasətdəki fərqlərdən danışarkən,
o, müxtəlif regionlarda daxili siyasi proseslərin
qiymətləndirilməsinin çətinliyini qeyd etdi.
“ABŞ-nin daxili siyasətində baş verənləri qiymətləndirmək bizim
üçün çox çətindir. Eyni şey Avropaya da aiddir”, – deyə qeyd edib.
O əlavə edib ki, fikirlər hətta Avropa İttifaqı daxilində də fərqli
ola bilər.
Sonda van Vil ortaq dəyərlərin və əməkdaşlığın vacibliyini
vurğuladı. “Birlikdə müdafiə etdiyimiz prinsiplərə və mesajlara
ciddi yanaşmalıyıq”, – deyə o bildirib.
