Böyük Britaniyanın ABŞ-dakı keçmiş səfiri, 72 yaşlı Peter Mandelson London şəhərində saxlanılıb. O, maliyyəçi Ceffri Epşteyn ilə əlaqələrin araşdırıldığı cinayət işi çərçivəsində istintaqa cəlb olunub.
Modern.az xarici KİV-ə istinadən xəbər verir ki, hüquq-mühafizə orqanları sabiq diplomat barəsində vəzifə səlahiyyətlərindən sui-istifadə ilə bağlı şübhələr irəli sürüldüyünü bildiriblər.
Məlumata görə, sosial şəbəkələrdə yayılan görüntülərdə Mandelsonun mühafizəçilərin müşayiəti ilə avtomobilə aparıldığı əks olunub.
Epşteyn şəbəkəsi ətrafında qalmaqal genişlənməkdə davam edir və Atlantikanın hər iki tərəfində yüksək vəzifəli siyasətçiləri əhatə edir.
