Bakı. Trend:
Yevlax rayonunda qaz balonu partlayıb.
Trend-in
məlumatına görə, hadisə dünən saat 18 radələrində baş verib.
Belə ki, 1969-cu il təvəllüdlü Yevlax rayon sakini Ruslan
Sadıqov özünə məxsus Yevlax rayonu, Aran qəsəbəsində yerləşən
kafedə olarkən obyektin daxilində mövcud olan maye-qaz balonunun
partlaması nəticəsində müxtəlif dərəcəli bədən xəsarətləri
alıb.
Hadisədən dərhal sonra R.Sadıqov Yevlax rayon Mərkəzi
xəstəxanasına yerləşdirilib.
Faktla bağlı rayon prokurorluğunda araşdırma aparılır.
