Bakı.Trend:
Fevral ayında Bakı şəhərində ümumilikdə 9 124,9 kvadrat metr
sahədə cari təmir işləri həyata keçirilib.
Bu barədə Trend-ə Azərbaycan Avtomobil Yolları Dövlət
Agentliyindən (AAYDA) məlumat verilib.
Bildirilib ki, yanvar ayında bu göstərici 8 053,3 kvadrat metr
təşkil edib.
Beləliklə, fevral ayında aparılan təmir işlərinin həcmi əvvəlki
ayla müqayisədə 13,3 % artıb və yol infrastrukturunun
yaxşılaşdırılması istiqamətində işlər davam etdirilir.
Şəhər ərazisində hərəkətin rahat və təhlükəsiz olması üçün cari
təmir tədbirləri mərhələli şəkildə davam etdirilir.
