Bakı. Trend:
İsrail Hərbi Hava Qüvvələri İran İslam İnqilabı Keşikçiləri
Korpusunun (SEPAH) pilotsuz uçuş aparatlarının qərargahına hücum
edib.
Trend-in məlumatına görə, bu barədə İsrail ordusunun mətbuat
xidməti bildirib.
“İsrail Hərbi Hava Qüvvələri İranın bir neçə bölgəsində onlarla
hədəfə növbəti zərbələr endirib. Zərbələr çərçivəsində İsrail
ordusu İran rejiminin İsrailə doğru dronlar atdığı SEPAH-nın
pilotsuz təyyarələrinin qərargahına hücum edib”, – deyə
bildirilib.
