Azərbaycan teleməkanında bir sıra bayağı verilişlər bağlanıb. Bağlanan verilişlərdən ikisi ATV-də yayımlanan “Bizimləsən” və “Rəngarəng” verilişləri olub.
Modern.az həmin verilişlərin başqa adlarla fəaliyyət göstərib-göstərməyəcəyinı, onların aparıcılarının kanalda qalıb-qalmayacağı ilə bağlı nüansları öyrənmək üçün ATV ilə əlaqə saxlayıb.
Saytımıza açıqlamasında ATV-nin sözçüsü Özal İbrahim bildirib ki, hələlik verilişlərin bağlanması qərarı verilib, əlavə məlumat olan kimi ictimaiyyətə bildiriləcək:
““Bizimləsən” və “Rəngarəng” verilişlərinin bağlanması kanal rəhbərliyinin daxili qərarıdır. Aparıcıların kanalda fəaliyyəti ilə bağlı isə hansısa yenilik olsa, bu barədə informasiya veriləcək. Yenə deyirəm, hazırda qərar rəhbərlik tərəfindən verilişlərin bağlanması ilə əlaqədardır”.
