Bakı. Trend:
“Meta” şirkəti Böyük Britaniyada qeyri-qanuni maliyyə
reklamlarını dayandırmaq vədini yerinə yetirə bilməyib.
Trend bu barədə ölkənin yerli
KİV-lərinə istinadən xəbər verir.
Məlumata görə, ABŞ-nin texnologiya nəhəngi “Meta”nın
platformalarında yüksəkriskli maliyyə məhsulları ilə bağlı qanunsuz
reklamların yayımlanmasının qarşısını almaq öhdəliyinə baxmayaraq
bu istiqamətdə ciddi pozuntulara yol verildiyi müəyyən edilib.
Araşdırmalara əsasən, bu reklamların 56 faizi daha əvvəl FCA
tərəfindən “Meta”ya bildirilib, lakin buna baxmayaraq fəaliyyətini
davam etdirən icazəsiz reklamverənlərə məxsus olub.
