Bakı. Trend:
ABŞ Prezidenti Donald Tramp ölkənin limanları arasında dəniz yük
daşımalarını yalnız Amerika gəmiçilik şirkətlərinə məhdudlaşdıran
federal qanunvericiliyi dayandırıb.
Trend xəbər verir
ki, bu qərar ABŞ-də İrana qarşı Amerika-İsrail hərbi əməliyyatının
başlamasından sonra kəskin artan yanacaq qiymətlərini azaltmaq
məqsədilə verilib.
Ağ Evin mətbuat katibi Kerolayn Livittin açıqlamasına görə,
Tramp “Jones Aktı”nı 60 gün müddətinə dayandırıb. O, X-də yazıb ki,
bu addım neft bazarındakı pozuntuların aradan qaldırılmasında
növbəti addımdır.
Sözçü əlavə edib ki, qərar neft, təbii qaz, gübrə və kömür kimi
əsas resursların ABŞ limanlarına 60 gün ərzində sərbəst axınını
təmin edəcək və administrasiya vacib təchizat zəncirlərini
gücləndirməyə davam etməyə sadiqdir.
