İranda yanvar ayında keçirilən etiraz aksiyalarında iki polis məmurunu öldürməkdə ittiham olunan üç aksiya iştirakçısı edam edilib.
Bu barədə İranın “Tasnim” xəbər agentliyi məlumat yayıb .
Məlumata görə, təqsirləndirilən şəxslər yanvarın 7-də Qum əyalətində baş verən hökumət əleyhinə nümayişlər zamanı iki hüquq-mühafizə orqanı əməkdaşının qətlə yetirdiklərini etiraf ediblər.
Onlar həmçinin “İsrail və ABŞ-ın maraqlarına uyğun fəaliyyətlərdə” ittiham olunublar.
Qeyd edək ki, İranda iğtişaşlar ötən il dekabrın 29-da İran rialının kəskin şəkildə ucuzlaşması ilə əlaqədar başlayıb. Hakimiyyət orqanları təxminən 40 hüquq-mühafizə orqanı əməkdaşının ölümü barədə məlumat yayıb.
