İranın BMT-dəki səfiri Əmirsəid İrəvani BMT Baş katibinə və Təhlükəsizlik Şurasına ünvanladığı məktubda bildirib ki, Bəhreyn öz ərazisindən İrana hücumlar üçün istifadə edilməsinə icazə verdiyinə görə təzminat ödəməlidir.
Modern.az “Mehr” Agentliyinə istinadən xəbər verir ki, məktubda deyilir: “28 fevral 2026-cı ildə İran İslam Respublikasına qarşı qanunsuz hərbi təcavüzün başlamasından bəri Bəhreyn Krallığının və bəzi digər qonşu ölkələrin ərazisi təcavüzkarlar tərəfindən İrana hücumlar həyata keçirmək üçün istifadə olunub”.
