Solçu Sosialist Partiyasının namizədi Emmanuel Qrequar bələdiyyə seçkilərinin ikinci turundan sonra Paris meri seçilib.
Modern.az xəbər verir ki, bu barədə BFMTV məlumat yayıb.
48 yaşlı Qrequar səslərin 50,52%-ni toplayaraq Fransanın keçmiş mədəniyyət naziri Raşida Datini 9 faiz fərqlə üstələyib.
Paris meri vəzifəsinə üçüncü namizəd, solçu France Insoumise partiyasının nümayəndəsi Sofi Çikiru 7,96% səs toplayıb.
Qrequar hazırkı Paris meri Ann Hidalqonun müavini idi. Mərkəzçi Demokratik Hərəkat və prezident Emmanuel Makronun dəstəyindən yararlanan mərkəz-sağçı Respublikaçılar Partiyasının namizədi Dati seçkilərin ikinci turunun nəticələrinin elan edilməsindən sonra X sosial media səhifəsində səsvermənin nəticələrinin “gözləntiləri doğrultmadığını” yazıb.
