Bakı. Trend:
“Mançester Yunayted” və “Nyukasl”ın nümayəndələri Liqa 1-in
27-ci turunda “Lion” və “Monako” (1:2) arasında keçirilən oyunu
izləyiblər.
Trend xəbər verir ki, bu oyun
zamanı hər iki klubun skautları xüsusilə 22 yaşlı monakolu
yarımmüdafiəçi Lamin Kamaraya və 24 yaşlı cinah oyunçusu Maqnes
Akliuşa diqqət yetiriblər.
Mənbəyə görə, “Mançester Yunayted” və “Nyukasl”ın Kamara üçün
əsas rəqiblər olacağı gözlənilir. Bununla belə, vurğulanır ki,
seneqallı oyunçunun inkişafını bir neçə digər İngiltərə Premyer
Liqa komandası da izləyir.
Kamara bu mövsüm bütün yarışlarda 25 oyunda meydana çıxıb və
dörd məhsuldar ötürmə edib. Akliuş 36 oyunda meydana çıxıb, yeddi
qol vurub və səkkiz məhsuldar ötürmə edib.
