Bakı. Trend:
21 yaşadək futbolçulardan ibarət Azərbaycan milli komandası
Avropa çempionatının seçmə mərhələsində növbəti oyununu
keçirib.
Trend xəbər verir
ki, B qrupunda mübarizə aparan yığma səfərdə Bolqarıstanın müvafiq
yaş qrupundan ibarət komandası ilə üz-üzə gəlib.
Plovdiv şəhərində yerləşən “Xristo Botev” stadionunda baş tutan
qarşılaşma 0:0 hesablı heç-heçə ilə yekunlaşıb.
Bu nəticədən sonra xallarının sayını 6-ya çatdıran millimiz
turnir cədvəlində 5-ci pillədə qərarlaşıb.
Qeyd edək ki, U-21 yığmamız qrupda növbəti oyununu sentyabrın
25-də doğma meydanda Çexiya millisinə qarşı keçirəcək.
