Bakı. Trend:
ABŞ Prezidenti Donald Tramp 2027-ci il büdcə təklifinin bir
hissəsi olaraq, San-Fransisko körfəzində yerləşən Alkatraz
adasındakı maksimum təhlükəsizlikli həbsxananın yenidən qurulması
üçün Konqresdən 152 milyon dollar tələb edib.
Trend xəbər verir
ki, bu barədə “The New York Times” qəzeti məlumat yayıb.
Məlumata görə, büdcə təklifinə Alkatrazı da əhatə edən
“köhnəlmiş həbsxanaların” modernləşdirilməsi planının daxil
edilməsi Trampın bu ideyanı ilk dəfə 2025-ci ildə irəli sürməsindən
sonra atılan ən konkret addım hesab olunur.
Bununla belə, təşəbbüs müəyyən çətinliklərlə üzləşir. Qəzet qeyd
edir ki, Alkatraz hazırda məşhur turizm məkanıdır. Eyni zamanda, 60
ildən artıqdır istifadə olunmayan həbsxananın infrastrukturu ciddi
şəkildə köhnəlib və bərbad vəziyyətdədir.
