İsrail rəsmiləri ABŞ, İsrail və İran arasında əldə olunan iki həftəlik atəşkəs razılaşmasının Livanı əhatə etmədiyini açıqlayıb.
Modern.az xəbər verir ki, İsrailin Baş naziri Benjamin Netanyahu bildirib ki, sözügedən razılaşma yalnız tərəflər arasında əldə olunub və Livan bu prosesin iştirakçısı deyil.
Bununla belə, razılaşmanın əldə olunmasında vasitəçi kimi çıxış edən Pakistanın Baş naziri Şahbaz Şərif fərqli mövqe sərgiləyib. O, atəşkəsin Livanı da əhatə etdiyini iddia edib.
Eyni zamanda, ABŞ Prezidenti Donald Trump atəşkəslə bağlı açıqlamasında Livanın adını ümumiyyətlə çəkməyib.
