Yüngül çəkidə UFC döyüşçüsü, azərbaycanlı Rafael Fiziyevin obrazı məşhur kompüter oyununa əlavə edilib. Onu dünyaca məşhur kompüter oyunları istehsalçısı “Electronic Arts” şirkətinin “EA Sports UFC 4” layihəsində görmək mümkün olacaq.
Bu barədə idmançı özünün sosial şəbəkə hesabından məlumat verib.
Thank you @easportsufc, a moment I’ve been waiting for! Can’t wait to get after it in #UFC4 🎮 👊 Proud to be first to rep 🇦🇿 in the game. What do you think about my rating? #ad #Sponsored #PaidPartnership @EASPORTSUFC @EASPORTS pic.twitter.com/ijrPmdabcs
— Rafael “Ataman” Fiziev (@RafaelFiziev) November 11, 2022
Fiziyev paylaşımında Azərbaycanı bu oyunda təmsil edən ilk döyüşçü olduğu üçün qürur duyduğunu bildirib və izləyicilərindən onun reytinqi barədə nə düşündüklərini soruşub.
Yeri gəlmişkən, Fiziyev bir neçə gün əvvəl sosial şəbəkələrdə oyunun siyahısında olmamasından narazılığını bildirmişdi.
“EA Sports”, mən hələ oyunda deyiləm?! Bunu nə vaxt edəcəksiniz?” – deyə döyüşçü özünün “Instagram” hesabındakı paylaşımında soruşmuşdu.
www.RIA24.az
