” Həkəri ” qəzətinin ötən saylarında və Xəbər taym saytında ” Məzarı abadlaşdırılmayan şəhid ” başlıqlı tənqidi yazımı çap olunmuşdu.
Lerik rayonunun Vılık kəndində uyuyan şəhid Balaş Atakişi oglu Dövlətovun məzarının baxımsızlıq ucbatından bərbad vəziyyətə düşməsindən yazmışdım.
28 il bu rayona rəhbərlik etmiş şəxslər bir dəfə də şəhid məzarına baş çəkməmişdilər.
Lerik rayonuna təzə təyin olunmuş icra hakimiyyəti başçısı, vətənpərvər ziyalı dostumuz Əkbər Abbasov məni və şəhidin qardaşı. Qarabağ müharibəsi veteranı Nədiş Dövlətovu səmimi qəbul edərək şəhid məzarının icra hakimiyyətinin daxili imkanlari hesabına təmir edilməsinə söz vermisdi.
Sözünə də əməl etdi. Əhsən olsun belə icra başçısına. Onu da qeyd edim ki ,tez bir zamanda şəhidin adını daşıyan Vılık kənd məktəbində qəhrəman igid Dövlətov Balaşın portreti ucaldılmış, şəkli şərəf lövhəsində asılmışdır.
Bir ay ərzində uçuq vəziyyətdə olan şəhid məzarınin üzəri qara mərmərlə götürüldü.
Biz də öz adımızdan ,eləcə də Dövlətovlar ailəsi adından, şəxsən şəhidin qardaşı Nədis Dovlətovun adından Lerik rayon icra hakimiyyətinin başçısı Əkbər müəllim başda olmaqla bu işdə əməyi olan hər kəsə dərin təşəkkürumuzu bildiririk.
Bu gün şəhidimizin atası Atakişi Dovlətovun da,anası Şahsənəm ananın da ruhları şad olub. Oğlunun məzarı şəhid adına uyğun bərpa olundu.
