Bakıda xəsarətlə nəticələnən yol-nəqliyyat hadisəsi baş verib.
Oxu.Az xəbər verir ki, qəzanın görüntüləri sosial şəbəkələrdə paylaşılıb.
İlkin məlumata görə, hadisə ötən gecə Xəzər rayonu Mərdəkan qəsəbəsində qeydə alınıb.
Qəza zamanı VAZ-2107 markalı avtomobil ilə mikroavtobus toqquşub.
Bakı Şəhər Dövlət Yol Polisi İdarəsinin İctimaiyyətlə Əlaqələr Şöbəsinin rəsmisi baş inspektor, polis mayoru Araz Əsgərli Oxu.Az-ın sorğusuna cavab olaraq bildirib ki, qəzada VAZ-2107 markalı avtomobilin sürücüsü xəsarət alıb:
“Xəzər Rayon Polis İdarəsində faktla bağlı araşdırma aparılır. Ölüm faktı qeydə alınmayıb”.
Könül Cəfərli
www.102info.az
