Azərbaycanın Qarabağ bölgəsində müvəqqəti xidmət aparan Rusiya sülhməramlılarının iştahası böyüyüb, “biznes”lərini genişləndirmək qərarına gəliblər. Belə ki, onlar Qarabağda yaşayan ermənilərə ərzaq və ya digər malları daşıyan hər bir böyük yük maşını üçün təxminən 10 min dollar və ya 4 milyon dram (təxminən 17 min manat) alırlar. Bundan əvvəl bir maşının çatdırılması üçün “rüsum” 1 000-2 000 dollar idi.
Bu barədə “Hraparak” erməni nəşri xəbər yayıb.
Bildirilib ki, sülhməramlılar 10 avtomobilin çatdırılması ilə bağlı Ermənistan hökuməti ilə mövcud müqaviləni son vaxtlar pozublar. Belə ki, onlar humanitar yardım dolu səkkiz maşını çatdırır, iki yük maşınını isə öz “biznes”ləri üçün saxlayırlar.
