Dünyada sürətlə inkişaf edən süni intellekt texnologiyası Türkiyənin media sektoruna da öz əksini tapıb. Belə ki, “Instagram”da “Robotvmedia” kanalında süni intellekt Aleksa xəbərlər təqdim etməyə başlayıb.
Ötən həftədən yayıma başlayan kanalda Türkiyədəki prezident seçkisindən tutmuş, dünyada baş verən hadisələrə qədər bir çox mövzuya toxunur.
Aleksanın hər xəbərdə fərqli geyimlər geyinməsi, makiyajını və saç düzümünü dəyişməsi də diqqət çəkir.
Bildirilir ki, layihə klassik medianı gələcəyin texnologiyası – süni intellektlə birləşdirməyi hədəfləyir və jurnalistikanın sosial mediada aktivliyini qoruması məqsədi daşıyır.
Mənbə: Haber Global
www.RIA24.az
