Yaponiya parlamentinin yuxarı palatasına kütləvi qırğın təhdidinin yer aldığı elektron məktub daxil olub.
Məktubu ictimaiyyətlə əlaqələr şöbəsi alıb.
Məktubda parlamentin aşağı və yuxarı palatalarının salonlarında “çoxlu sayda yüksək təsirli bomba və zarin qazı generatorunun quraşdırıldığı” və aprelin 21-də saat 13:34-də (yerli vaxtla) qırğın olacağı bildirilib.
Qeyd olunur ki, məktub müəllifləri adı açıqlanmayan dini qruplaşmaya mənsub olduqlarını bəyan ediblər, həmçinin yalnız “terrorun ölkəni dəyişə biləcəyini” vurğulayıblar.
Artıq polis binada axtarış aparıb. Digər təfərrüatlar açıqlanmayıb.
Mənbə: lenta.ru
www.102info.az
