Naxçıvanın Babək rayonunda yol-nəqliyyat hadisəsi baş verib.
APA-nın Naxçıvan bürosu xəbər verir ki, hadisə bu gün Babək rayon Badaşqan kəndi ərazisində qeydə alınıb. Qəza nəticəsində Babək rayon Yarımca kənd sakinləri 1977-ci il təvəllüdlü Kifayət Musa qızı Vəliyeva, 1977-ci il təvəllüdlü Mahirə Rza qızı Zehirova, 1967-ci il təvəllüdlü Mahirə Rza qızı Vəliyeva və 2019-cu il təvəllüdlü Fərid İbrahim oğlu Vəlizadə xəsarət alıblar. Onlar Naxçıvan Muxtar Respublika Xəstəxanasının Travmatologiya şöbəsinə yerləşdiriliblər, vəziyyətləri stabildir.
Məlumata görə, xəsarət alan Fərid Vəlizadə Vətən müharibəsi şəhidi İbrahim Vəlizadənin oğludur.
Faktla bağlı araşdırma aparılır.
www.102info.az
