İyulun 29-da Almaniyanın paytaxtı Berlində gənclər arasında start götürəcək Avropa Kubokuna qatılacaq Azərbaycan cüdoçuları bəlli olub.
“Report” xəbər verir ki, milli komanda iki gün davam edəcək yarışda yeddi çəki dərəcəsində 16 idmançı ilə təmsil olunacaq.
Qızların mübarizəsində Zeynəb Məmmədova, Aydan Vəliyeva (hər ikisi 52 kiloqram), Fidan Əlizadə (57 kiloqram) və Nigar Süleymanova (78 kiloqram) qüvvəsini sınayacaqlar.
Oğlanlardan isə Nizami İmranov, Nicat Nağıyev, Samir Piriyev, İslam Rəhimov (hamısı 66 kiloqram), Süleyman Əliyev, Vüsal Qələndərzadə, Qədir Hüseynov, Aydın Rzazadə (hamısı 73 kiloqram), Əjdər Bağırov, Vüqar Talıbov, İsmayıl Zamanov (hamısı 90 kiloqram) və Kənan Nəsibov (+100 kiloqram) tatamiyə çıxacaqlar.
Qeyd edək ki, idmançılar Avropa Kubokundan sonra 31 iyul – 2 avqustda Berlində Avropa Cüdo Birliyinin təşkilatçılığı ilə keçiriləcək beynəlxalq təlim-məşq toplanışına qatılacaqlar.
www.102info.az
